Сургалтын нийт цаг: 36 цаг

Хичээллэх гариг, цаг: Даваа, Лхагва Баасан гаригт 17.30 – 20.30 цагийн хооронд

Сургалтад хамрагдах шалгуур: Ерөнхий Англи хэлний дундаас дээш түвшин

Сургалтад хамрагдах сэдэв: Иргэний эрх, Гэрээний эрх зүй

Төлбөр: 150 000

Багш: МУИС-Хууль зүйн сургуулийн багш Д.Сарантуяа

Хугацаа: бүртгэл 2011 оны 6 дугаар сарын 08 хүртэл явагдаж эхний 15 хүнийг авч 2011 оны 6 дугаар сарын 10-нд хичээл эхлэнэ.

Холбоо барих: 88008832  99073221 99824282

Хичээлийн тодорхойлолт

Мэргэжлийн Англи хэлний хичээлийн агуулга нь хуулийн Англи болон Монгол нэр томъёо бүхий уншлагын текст, мэдлэг бэхжүүлэх дасгал болон харьцуулан судлах эх сурвалж болох бодит хуулийн баримт бичиг, гэрээ зэргээс бүрддэг. Хичээл нь бүхэлдээ дадлагын хэлбэртэй байх бөгөөд хэлэлцүүлэг, илтгэл, кейс судлал зэрэг хэлбэрийг өргөн хэрэглэх боломжтой. Хичээлд сургалтын интерактив заах арга зүй болон герменевтик философийн аргыг хослуулан хэрэглэнэ.

Хичээлийн зорилго

Энэхүү хичээл нь хуулийн ангийн оюутан болон хуульч, эрх зүйч нарт мэргэжлийн Англи хэлний Иргэний эрх  зүйн хүрээнд хамрагдах нэхэмжлэл болон төрөл бүрийн гэрээнд хэрэглэгддэг нэр томъёо, тогтсон үг хэллэгийг зааж сургах, тухайн сэдвийн хүрээнд олж авсан мэдлэгээ ашиглан орчуулга хийх, Англи хэл дээрх эх сурвалжийг зөв ойлгож улмаар хэрэглэж сурах дадлыг эзэмшүүлэх зорилготой.

Хичээлийн агуулга

Мэргэжлийн Англи хэлний хичээлийн агуулга нь Иргэний эрх зүй дэх нэхэмжлэл, түүний хэлбэр, төрөл, онцлог мөн гэрээний төрлүүд, гэрээнд хэрэглэгддэг онцлог нэр томъёо зэргийг тусгасан уншлагын материал болон тухайн сэдэвт хамаарах бодит нэхэмжлэл, гэрээ гэх мэт хуулийн эх сурвалжаас бүрдэнэ. Сурч судалсан нэр томъёоны мэдлэгийг хянах зорилгоор сэдвийн шалгалтын тест авна. Хичээл нь дараах сэдвүүдээс бүрдэнэ:

• Civil Law relations: иргэний эрх зүйн харилцааны субъектууд, нэхэмжлэл
• Contracts:  худалдах-худалдан авах гэрээ, хөдөлмөрийн гэрээ, хамтран ажиллах гэрээ, концессийн гэрээ, уул уурхайн компанитай холбоотой гэрээ

Хичээлийн хэлбэр

Танхимын сургалтын хэлбэр зонхилно. Тодорхой сэдвийн хүрээн дэх уншлагын материалд тулгуурлан нэр томъёог судлах, сурсан нэр томъёо, үг хэллэгийг хэрэглэх дадлагын дасгал ажиллах, хуулийн баримт бичиг, шүүхийн шийдвэрийн бие даасан орчуулга хийж хэлэлцүүлэх, хяналтын ажил өгөх зэрэг хэлбэрийг ашиглана.