Дэлгэрмөрөн голын эрэг нуржээ

Хөвсгөл аймгийн Дэлгэрмөрөн голын эрэг нурж аюултай байдал үүсэх нөхцөл бүрдээд байна. Хаврын шар усны үер, зуны их борооны улмаас Дэлгэрмөрөн голын эрэг нурж осол гарах, хүн мал ус руу унах зэрэг нөхцөл үүсчээ.

Цаг агаар дулаарч уулс болон гуу, жалга, суваг, шуудуу, гол мөрний цас хайлж, голын түвшин эрс нэмэгдэж, их хэмжээгээр голын эргийн нуралт үүсэж байгаа нь эрэг орчмын айл өрх, аж ахуйн нэгжийн хашаа болон эд хөрөнгө, усанд автах, эрсдэл өндөртэй байгаа ажээ.

Иймд гол усны ойр суурьшиж байгаа айл өрхүүд, аж ахуйн нэгж, байгууллагууд голын голдрилыг өөрчлөхгүйгээр далан босгох, голын эргийн налуулга хийх, аюулаас урьдчилан сэргийлэхийг анхааруулж байна.