Автомашины улсын дугаарын дуудлага худалдаа маргааш болно

   Авто тээврийн үндэсний төв автомашины улсын дугаарын дуудлага худалдаа зохион байгуулаад багагүй хугацаа өнгөрч байгаа. Тэгвэл ээлжит дуудлага маргааш буюу 10-р сарын 11-нд бүтэн өдрийн турш зохион байгуулагдах бөгөөд нийтдээ 65 дугаарыг худалдан борлуулахаар төлөвлөсөн. Тухайн өдөр худалдан борлуулах дугааруудын мэдээллийг мэдээний зурагт хавсаргав. 

    Дуудлага худалдаанд оролцохыг хүсч байгаа хүмүүст  зориулан дараах зөвлөмжийг  Автотээврийн үндэсний төвөөс бэлтгэн хүргэж байгаа аж.
Үүнд:

✅Дуудлага худалдаа эхлэхээс 5-10 минутын өмнө системд нэвтэрч бэлэн байдлаа хангасан байх.
✅Өөрийн тоног төхөөрөмжийн цэнэг, интернэт сүлжээ болон бусад найдвартай ажиллагааг хангаж ажиллах.
✅Үнийн санал өгөөд 2 минутын дотор өөр хэн нэгэн үнэ өсгөөгүй тохиолдолд та дуудлага худалдаанд ялагч болно.
✅Ялагч болсны дараа 24 цагийн дотор зөрүү төлбөрийг (дэнчинг хассан дүн) төлж ажлын 5 хоногт багтаан дугаараа өөрийн эзэмшлийн тээврийн хэрэгсэлд зүүсэн байх үүрэгтэй ба төлбөр төлөөгүй болон 5 хоногийн хугацааг хэтрүүлсэн тохиолдолд дэнчинг буцаан олгохгүй.
✅Тухайн дуудлага худалдаанд ялаагүй тохиолдолд дэнчингийн мөнгө, төлбөр төлсөн дансруу ажлын 7-10 хоногт буцаж орно.