Компьютерынхоо тохиргоог өөрчилснөөр эрчим хүчний зардлаа хэмнэх боломжтой

  Эрчим хүчний системийн 2023.12.07-ноос 2023.12.13-ны өдрийн 7 хоногийн оргил ачааллаас харвал хамгийн их оргил ачаалал 2023.12.13-ны өдрийн 19.00 цагт 1547 МВт, хамгийн их импорт 2023.12.11-ний өдөр 306 МВт хүрсэн байна.

  Өдрийн цайны завсарлагааны нэг цагийн хугацаанд суурин компьютерыг унтрааснаар жилд 8900 төгрөг хэмнэнэ. Танай байгууллага олон компьютертэй бол тэр хэмжээгээр зардлаа бууруулна. Улаанбаатар хотод идэвхтэй үйл ажиллагаа явуулж байгаа 72,000–аад аж ахуйн нэгж, байгууллагаар тооцвол улсын хэмжээнд жилд 6,408,000,000 төгрөгийг үр ашиггүй зарцуулдаг байна. 

  Settings - Control panel - Power options - Turn off the display - 1 minutes тохиргоог хийснээр шаардлагагүй үед дэлгэцийг бүрэн унтрааж, компьютерын эрчим хүч зарцуулалтыг 40 хүртэл хувь бууруулах боломжтой. Эрчим хүчний хэрэглээгээ зохицуулж эрчим хүчээ хэмнэцгээе!